Waxaa magaalada London ee dalka Ingiriiska ku geeriyooday 07/05/2012-ka Prof. Cabdi Xasan Jimcaale oo ahaa Wasiirkii Dastuurka & arrimaha Federaalka ee dowlada Puntland.

Inaa Li Laahi Wa inaa Ileyhi Raajicuun Prof. Jimcaale oo ku geeriyooday London

Allaha u naxariistee Prof. Cabdi Xasan Jimcaalle ayaa ka mid ahaa Wasiiradii ugu shaqada badnaa dowlada Puntland, isagoo ahaa mashiinkii ka shaqeeyey Dastuurka cusub ee Puntland yeelatay 15-kii April 2012-ka, wuxuuna ka mid ahaa siyaasiyiinta sidda xoogan uga shaqaysay isku xirka Puntland & Federaalka, isla markaasna maamulkasta oo soomaaliya ka jira uu heli lahaa Xaqa ay ku leeyihiin dowlada dhexe ee Soomaaliya.

Wuxuu ka mid ahaa khubadada soomaaliyeed ee aqoonta durugsan u lahaa barnaamijyada dowlad wanaaga. Marxuumka ayaa aduunka uga tegay Xaas iyo 2 caruur ah, ” Samir Eebe allaka ka siiyo Aamiin”

Bidix M. Faroole, dhexda Prof. Jimcaale, Midig , Faarax C. Shire

Illaahay waxaan uga baryeynaa inuu naxariistii Jano ka waraabiyo , Awlaadii, Xaaskii, qaraabadii iyo Eheladii uu ka baxayna Samir iyo Iimaan ka siiyo Aamiin.

Fadlan Tacsidda / ducada ugu soo dir warbaahiyaha Puntlandpost ama adiga shasiyan toos ugu dir adoo adeegsanayaa Form-ka hoose

Source: http://www.puntlandpost.com/bogga-tacsida-ducada-prof-cabdi-xasan-jimcaalle/

Guud ahaanba Somaliya waxaa ka jira abaaro aad u xoogan,abaarahaasna waxaa sababey roob la’aan haysatay dalka muddo dheer,halkaas oo dallagii la beeran jirey baab’ay,islamarkaasna ay dhamaadeen xoolihii baadiyaha lagu dhaqan jirey,taasna waxay horseed u noqotey in la waayo wixii la cuni lahaa iyo biyihiiba.Waxaa lagu qiyaasaa in abaartaan oo kale ay dalka ugu dambeeysey 1974-kii oo ah muddo laga joogo 37 sano,balse ay ahayd waqti ay dowlad dhexe oo shaqeeyneeysa dalku lahaa.

Guddoomiyaha iyo xubnaha PDF-UK waxay ugu baaqayaan ummadda soomaaliyeed, in si hagar la’aan ah DEEQ DHAQAALE u gaarsiiyaan dadka soomaaliyeed ee abaarta iyo macaluusha la ildaran.

Waxaan ka codsanaynaa soomaalida guhada waddankii ku nool iyo kuwa dibadda ku noolba, inay gargaar deg deg ah u fidiyaan dadka tabaalaysan. Iyadoo ay dhalatey bishii barakaysnayd ee soonqaadka, waa in sadaqooyinka loo diro dadkaas walaalaheen ah. Sadaqadaas waxay ka mid tahay meelaha ugu habbon oo sadaqo lagu baxsho.

Sidoo kale guddomiye Abdiwelli M. Gurey ayaa sheegey in ay taageero buuxda la garab istaagtan yihiin hay’adaha samafalka,Dowladda TFG iyo maamul goboleedyada soomaaliyeed ee ku mashquulsan sidii ay dadkooda dhibaateeysan ugu gargaari lahaayeen si ay ugu sabata bixiyaan abaaraha ku habsadey.

Xafiiska Puntland Diaspora Forum-UK

Gudoomiyaha-PDF-UKDr.Abdiweli Mahamud Gurey

walig@puntlanddiasporaforum.com www.puntlanddiasporaforum.com

Xafladan oo loo Sameeyey wasiirka gaadiidka badda iyo dakedaha  Mudane saciid maxemed Raage iyo Agaasimaha  guud ee wasaaradaas Cabdirisak Maxamed Dirir xubina  uga ah dawalada fadaraalka ladagaalanka burcad badeeda. Ka hor inta aan cashadu bilaaban ayaa waxaa hadal soo dhaweyana furey gabadh  ka mid ah gabdhihii soo qaban qaabiyey xafladan oo lagu magacaabo Marwo Sahra Musse iyo Caasha Cabdilaahi waxayna ka war bixiyeen sida had iyo jeer ay haweenka Puntland ee qurba joogta ah ay xil isaga saaran ka shaqaynt iyo xiriirinta danaha dalkooda iyo dadkood, waxayna waftiga wasiirka uga mahad celisay sida habsamida leh ee ay u wadaan hawlihii loo xil saarey.

Guud ahaan iyo gaar ahaanba  Intaa ka dib waxaa hadalka lagu soo dhaweeyey Wasiirka  waxa uu na  aad uga hadlay  dhaqaalaha dalka iyo xaalada guud ee maanta dalku marayo waxuuna ka codsadey inay haweenku hawshooda sii laban laabaan.  Waxa kale oo uu wasiirku tilmaamey  haweenku  yihiin laf dhabarka wadanka sidaa daraadeedna ay gudaha iyo dibadaba ay hawl culisi  sugayso.

Waxaa isaguna  hadal dheer oo ku saabsanaa burcad badeeda iyo dhibaatooyinka ay wadanka ku hayaan ka hadley agaasiama guud ee la dagaalanka burcad badeeda Mudane Cabdirisaak Maxamed Dirir  isagoo  sheegay sida kaliya ee xal loogu heli karaa inay  tahay wacyi galin loo dhan yahay oo loo saameeyo burcad badeeda.

Waxaa iyana shirka lagu casumey xubno ka socday bahda warbaahinta Puntland ee London waxaana hadel dheer kasoo jeediyey Cabdiqani Farah Dhashane  tilmaameyna sida warbaahinta Puntland ay uga qayb qaadato waxqabadka dalka, wacyi gelinta iyo xiriirinta dadweynaha. Waxaana uu Dhashane fariin u direy dawlada Puntland inay cafis u fidiyaan agaasimihii  Horseed Media ee Bosaaso, wariyahaas oo maxkamad ku taal Boosaaso ay 6 sano oo xarig ah ku xukuntay.

Ugu danbayntii waxaa xafladaas hadalo ka jeediyey  wakiilada Puntland u jooga Yurub iyo UK, Mudane Maxamed Hasaan Bare iyo Dr. Cabdulqaadir Farah  Jibriil.

ALLBURTINLE.COM(UK)